أنا النازح

كتب / شادي جواد صقر 

انا النازح 
اعطينى علبه دخان دين وسجلها عندك عالدفتر
لحق معها كمان بضتين صدقنى منا لاقى افطر
حمص وفول وعليه هالزيت وقزازه مى عشان اسكر 
هادى الحرب اجت بعد حربين ضيعتنا لقدام كمان سنتين 
اهل الخيام مش مليون صاروا مليونين 
وكرس الحمام مفقود من شهرين عشان اتحمم بدها حطب وجريد وعودين
وفى هالسقعه بتبرد هالميه وبنعانى الامرين
اااااااه يا غزة يلى شايفينك ملعب كوره بحكمين 
قاده وزعماء وفشكتين والخبز على الصاج بدها خميره وبالاخير فرشوحتين 
اااااااااخ يا زمن عالرخيص صار وين 
والبيضه من اغوره وصلت شكلين 
والڤيتة البيضه صار عليها العين شفت يا زمن صرنا احنا وين 
صرنا ندور على حرام وفرشه ومخدتين
وياريت لاقيين الدفى لسعتين
كان عنا بيوت تعبنا عليها من سنين
وراحت كلها بغمضه عين 
اشتقنا للجيران وسهرتهم الى كنا جنبهم متونسين 
وبعد هالتعب بكره يقولوا انتوا جايين من وين 
يعطيك خيمه وابصر عليها شعار او شعارين 
ويكتروا التجار ويساوموا مين ولا مين 
اااااااخ يا زمن يا لاعين
على تعب السنين الى راح وابصر مودينا وين 
بسكوت ابو عجوه الى بنص صار بتنين
وولادك نفسهم بالاندومى الى حقه صار امريين 
وايش احكى على اللحمه الى صار الكيلو ضعفين ويا حبيبى عالجاج من بسطه لبسطه سعره بزغلل العين 
انسينا الطحين ابو العشرين صار حقه  بمتين 
اااااااااه يا غزه على الاجاكى يفرجيكى الامرين 
احنا بملعب و الشاطر فيها يلعب عالحبلين
انتوا شايفين غزة وصلت لوين 
ولا نايمين ومش شايفين النازحين 
ياحبيبى على ضو اللد الى مش صابر ليلتين 
ولا النت من قهوه لقهوه عشان نطمن عنا الملايين 
والمصيبه القهوه من عشره صارت بخمسين 
شفتوا يعالم كيف احنا عايشين 
قالها ابو عمار احنا شعب الجبارين 
اااااااااه يختيار لو تصحى وتسد  عنا هالدين 
ولا الدخان صرنا ندخن نفس ونفسين
ايش احكى واحكى غزة الى شافت الويل 
اصحيتوا ياعرب ولا انتوا منا وين 
اه تنسوش القروض الى بنينا فيها بيوت الى راحت بغمضه عين
والخصم علينا صار ضعفين 
راح نستنى كمان بدل العذاب عذابين
كنت مفكر انزح ليومين صرت نازح لاكتر من شهرين
كنت جاى اقعد بالقهوة دقتيين 
لقيت حالى قاعد ساعتيين وبدل ما اكتب سطرين كتبت بدل الصفحه صفحتين
حنعيش ونحكي للعالم احنا مين 
ونلحن مواويل واشعار وخواطر تحاربكم ليوم الدين 
انا النازح احدثكم بين نارين 
انا النازح الى داق المر مرتين 
انا النازح الى دمعته على باب العين 
انا النازح ومش عارف اهاجر وين 
انا من غزة ارض العزة ومش راح انسى تاريخى وين 

والسلام ختام انا النازح